ماركةNYX غنية عن التعريف. هالماركة مشهورة بمنتجاتها المشبعة بالألوان واللي تقدم المطلوب مقابل الأسعار الرخيصة.
خافي الهالات السوداء من NYX مروّج لإخفاء الهالات السوداء تحت العين. هالمشكلة من المشكلات العنيدة اللي تواجه أغلب النساء. فيه حد يعاني منها بسبب قلة نوم أوجهد أو حتى عن طريق الوراثة. هالمنتج هو الحل المؤقت لهالمشكلة ولكن بالفعل أثبت نفسه إنه الحل المثالي.
الوحدة يوم تلقى منتج فعال و ماشي معاها ما يهون عليها تستبدله بسهولة، خصوصا منتجات مثل كريم الأساس وخافي العيوب. لكن اللي يعاني من هالات سوداء يعرف إن من الصعب جدًا تلقين خافي عيوب بالفعل يخفي و ما يجلب لونه رمادي أو تمصته البشرة بعد فترة قصيرة.
هالماركة موجوده بأفرع Lifestyle المنتشرة بالدولة. خذناه نحن من الفرع الموجود بالهيلي مول، الموظفات هناك كانن صبورات و حلوات في التعامل.
اللون: DCC03 (مناسب لمستحدميNC35 من ماك )
الملمس: كريمي
طريقة الاستخدام: وضع المنتج بالفرشاة و الدمج بالاسفنجة.
بعد استخدام المنتج لفترة هذا هو القرار النهائي:
الإيجايات:
- بالفعل المنتج يخفي الهالات السوداء كليا
- خفيف تحت العين
- يوحد اللون تحت العين و يخليه مماثل للون البشرة
السلبيات:
- يحتاج تثبيت بالبودرة على طول لأنه يتجسف
ملاحظة: هالمنتج ما يدعي إنه ينير المنطقة تحت العين. هو فقط يخفي الهالات السوداء. إذا حبيتي تنيرين المنطقة تحت العين استخدمي بودرة أفتح من لونج بدرجة أودرجتين أو استخدمي خافي عيوب سائل لونه فانح بدرجة أو درجتين. نصيحة يمكن تفيدكم و هي التلاعب بالملمس، يعني إذا مستحدمه منتج كريمي و تبين تحطين فوقه منتج ثاني استخدمي بودرة أو سائل عشان المنتج الأولي ما يتحرك من مكانه و انتي تدمجين المنتج الثاني.